ಕಳೆದು ಹೋದೆವು ಮತ್ತೆ

ಕಳೆದು ಹೋದೆವು ಮತ್ತೆ
ಬದುಕಿನ ಆಗು ಹೋಗುಗಳ ನಡುವೆ

ಕಾಣದಾದವು ನಾವಿಟ್ಟ ಮೊದಲ ಹೆಜ್ಜೆಗಳು
ಜೀವನದ ಕಡಲ ಅಲೆಗಳ ಮೊರೆತಗಳಲ್ಲಿ

ಭಾರವೆನಿಸಿದೆ ಮನಸು ನೆನಪುಗಳ ನೆನಪಿನಲಿ
ಬೇಡವೆನಿಸಿದೆ ಈ ಜೀವವಿಲ್ಲದ ಜೀವನ...

ಕಲ್ಲ ಕರಗಿಸುವುದೈ ಮಧುರ ನಾದ

ಕಲ್ಲ ಕರಗಿಸುವುದೈ
ಮಧುರ ನಾದ
ಸೊಲ್ಲ ಅಡಗಿಸುವುದೈ
ಸವಿಯಾದ ಪದ

ಸಕ್ಕರೆಯ ಮೆಲ್ಲುವಿರಿ
ಪಾಡಿ ಸವಿ ನುಡಿಯ
ಸಮರಸದ ಸವಿಕಾಣುವಿರಿ
ಅಲಿಸಿ ಸರಿಗಮದ ಮೋಡಿಯ

ಸಾಗಲಿ ಜೀವನದ ಕಡು ಪಯಣ
ರಾಗದಲೆಗಳ ಮೇಲೆ
ನಾದ ತಂಗಾಳಿಯ ತಕ್ಕೆಯಲಿ
ಪದನಕ್ಷತ್ರಗಳ ದಾರಿಯಲ